ЯҢАЛЫКЛАР

28 июньдә район хуҗалыкларының иң алдынгы сыер савучылары, технологлар “Казанка” хуҗалыгының Казиле авылы янындагы  җәйләүгә җыелды.
 Аларны район авыл хуҗалыгы һәм азык–төлек идарәсе җитәкчесе Ренат Гатиятов тәбрикләде, конкурста уңышлар теләде.
Конкурсның баш хөкемдары, район авыл хуҗалыгы һәм азык–төлек идарәсенең  терлекчелек бүлеге консультанты Роберт Хәйретдинов бәйгеләрнең шартлары белән  таныштырды. Сыер савучыларга да, технологларга да теория өлешендәге сорауларга җавап биргәннән соң, белемнәрне, тәҗрибәне, өлгерлекне эшләп күрсәтергә кирәк булачак.
Хөкемдарлар командасы көчле – үзебезнең районныкыларга күрше Әтнә, Биектау районнары, авыл хуҗалыгы һәм азык–төлек министрлыгы вәкилләре дә ярдәмгә килгән.
Әлеге ярышлар менә икенче ел инде, шушы урында уза. Табигате искиткеч матур, ак халатлы хатын–кызлар аңа тагын да ямь өсти. Район Мәдәният йорты хезмәткәрләре матур җырлар бүләк итә. Имтихан тотасы булса да, барыбер бәйрәм рухы сизелеп тора. 
Сыер савучылар теория буенча имтихан тотканнан соң саву аппаратларын сүтеп җыю, сыер саву буенча ярыштылар. Алар арасында “Ак барс” агрокомплексы” сыер савучысы Гөлфия Шәрәфетдинова җиңде. “Игенче” ширкәтеннән Наилә Фәсәхетдинова – икенче, “Казанка” хуҗалыгыннан Лилия Мәрдәнова өченче урында.

Сезне чын күңелемнән милли бәйрәмебез Сабантуй белән котлыйм! 
Бу – якты, матур, юмарт, игелек һәм үзара аңлашу бәйрәме. Сабантуй авыл хезмәтен данлый һәм җир уяну символы булып тора, шуңа күрә без  бәйрәмдә, беренче чиратта, фидакарь хезмәтләре белән мул уңышка нигез салган авыл хуҗалыгы алдынгыларын хөрмәтлибез. 
Сабантуй – яхшыга ышаныч символы да булып тора, безнең бердәмлек һәм рухи көчебез дәлиле. Барыбызның да яраткан бәйрәме төрле милләт кешеләрен җыя, борынгы традицияләрне бүгенгесе белән уңышлы бәйләгән эчтәлекле һәм кызыклы программасы күп санлы кунак- ларны үзенә тарта. Сабантуй һәрвакыт кунакчыл һәм бик күңелле үтә. Бу кешеләрнең бер–берсенә хөрмәте, барыбызның да яхшы дуслар һәм күршеләр булуы турында сөйли.
Әлеге якты һәм шатлыклы бәйрәмдә сезгә, якыннарыгызга сәламәтлек, бәхет, тынычлык һәм иминлек телим! Сабантуй һәр өйгә бәхет һәм муллык алып килсен!

И. Г. НУРИЕВ, Арча муниципаль Башлыгы

2017 ЕЛГЫ ЯЗГЫ ЧӘЧҮ НӘТИҖӘЛӘРЕ ҺӘМ  БЕРЕНЧЕ ЯРТЫЕЛЛЫК ЭШ ЙОМГАКЛАРЫ БУЕНЧА АРЧА 
МУНИЦИПАЛЬ РАЙОНЫ АВЫЛ ХУҖАЛЫГЫ ТАРМАГЫ ХЕЗМӘТЧӘННӘРЕН БҮЛӘКЛӘҮ ТУРЫНДА КАРАР
2017 ел язгы кыр эшләре һәм беренче яртыеллык эш йомгак- лары буенча авыл хуҗалыгы предприятиеләре эшчәнлеге күрсәткечләрен караганнан соң агросәнәгать комплексы хезмәткәрләренең эшчәнлеген стимуллаштыру максатыннан карар бирәм:
1. Язгы кыр эшләрендә иң яхшы күрсәткечләргә ирешкәннәре өчен “Чәчү батыры – 2017” исеме бирергә һәм түбәндәге урыннарны билгеләргә:
– 1 урын Йосыфҗанов Нияз Марат улына – “Игенче” агрофирмасы” ширкәте механизаторы (3954 эт.га чәчкән);
– 2 урын Вәлиуллин Фәнис Илдус улына – “Северный” ширкәте механизаторы (3844 эт.га);
– 3 урын Мортазин Фирдүс Рөстәм улына – “Яңарыш” агрофирмасы” ширкәте механизаторы (887 эт.га)
2017 елгы чәчү батырларын Дипломнар һәм акчалата премия белән бүләкләргә. 
2. Озак еллар нәтиҗәле хезмәтләре, авыл хуҗалыгы өлкәсен үстерүгә керткән өлешләре өчен Диплом һәм истәлекле бүләкләр белән бүләкләргә:
– Әһлиуллин Рәүф Рәхим улын – “Ак барс” агрокомплексы”  ширкәте механизаторы;
– Низамов Рәдис Шамил улын – “Северный” ширкәте механизаторы.
3. Язгы кыр эшләрендә иң яхшы нәтиҗәләргә ирешкәннәре  өчен “Районның иң яхшы механизаторы” исеме бирергә:
– Шәвәлиев Әхтәм Миңлемулла улына – “Ватан” агрофирмасы” ширкәте механизаторы (1130 эт. га эш башкарган);
– Шакиров Илнар Васыйл улына – Нуриев Р. И. крестьян–фермер хуҗалыгы механизаторы (606 эт. га);
– Шаһидуллин Айрат Фирдәүс улына –  Габбасов А.А. крестьян–фермер хуҗалыгы механизаторы (973 эт. га);
– Лотфуллин Данил Вәдүт улына – “Аю” агрофирмасы” ширкәте механизаторы (430 эт. га);
– Әюпов Рүзәл Рафаил улына – “Тукай” ширкәте механизаторы (395 эт. га); 
– Закирҗанов Рәфхат Рифат улына –Закирҗанов Р.М. крестьян–фермер хуҗалыгы механизаторы (1166 эт. га);
– Шәрипов Ингел Габделнур улына – “Казанка” агрофирмасы”  ширкәте механизаторы (520 эт. га);
– Габдрахманов Моффазал Әгъзәм улына –“Үзәк” агрофирмасы” ширкәте механизаторы (362 эт. га).
Хезмәткәрләрне Дипломнар һәм акчалата премияләр белән бүләкләргә.
4. Терлекчелек продукциясе җитештерүдә иң яхшы күрсәткечләргә ирешкәннәре өчен “Иң яхшы терлекче” исемен бирергә:
– Андреева Людмила Геннадиевнага – “Курса МТСы” ширкәте сыер савучысы;
– Сафина Кадрия Рафис кызына – “Ак барс” агрокомплексы” ширкәте сыер савучысы;
– Фәттахова Ләлә Вазих кызына – “Ашыт” ширкәте сыер савучысы;
– Юнысова Нурия Рәис кызына – “Кызылъяр” ширкәте сыер савучысы;
– Сәләхиева Резидә Нурьяз кызына – “Кишет” ширкәте сыер савучысы.
Хезмәткәрләрне Дипломнар һәм акчалата премия белән бүләкләргә.
5. Язгы кыр эшләре вакытында техниканы нәтиҗәле  файдаланган өчен “Иң яхшы машина йөртүче” исемен бирергә:
– Саматов Илһам Мәсхүт улына – “Лотфуллин З. Р.” ширкәте машина йөртүчесе;
– Рәхимов Рүзәл Камил улына – “Кырлай” агрофирмасы” ширкәте машина йөртүчесе.
Хезмәткәрләрне Дипломнар һәм акчалата премия белән бүләкләргә.

Муниципаль район башлыгы И. Г. НУРИЕВ

“УКУДА АЕРУЧА УҢЫШЛАРЫ ӨЧЕН” МЕДАЛЕ БЕЛӘН БҮЛӘКЛӘНҮЧЕ ЧЫГАРЫЛЫШ УКУЧЫЛАРЫН АРЧА МУНИЦИПАЛЬ РАЙОН БАШЛЫГЫНЫҢ РӘХМӘТ ХАТЛАРЫ БЕЛӘН БҮЛӘКЛӘҮ ТУРЫНДА КАРАР
27 июнь 2017 ел                                                                            №85
Уку елын уңышлы тәмамлау уңаеннан “Укуда аеруча уңышлары өчен” медале белән бүләкләнгән чыгарылыш укучыларын Арча муниципаль район башлыгының Рәхмәт хатлары белән бүләкләргә:
В. Ф. Ежков исемендәге Арчаның 1нче урта гомуми белем мәктәбеннән:
– Орлова Анастасия Олеговна;
– Гафарова Адилә Фоат кызы;
– Камалова Ләйлә Марат кызы;
– Фәхретдинов Салават Нәзир улы;
– Рысаева Ксения Сергеевна;
– Гобәйдуллина Иркә Наил кызы;
– Ибатуллин Илназ Илшат улы;
– Шәйхуллина Лия Фоат кызы.
Арчаның 2нче урта гомуми белем мәктәбеннән:
– Фазылҗанова Адилә Рафис кызы;
– Хәйретдинова Ләйлә Марат кызы;
– Мөбарәкова Ләйлә Дамир кызы.
Арчаның 5нче гимназиясеннән:
– Ризванова Камилә Раушан кызы;
– Гарәфиев Рүзәл Марат улы;
– Вәлиева Алсу Әгъзәм кызы;
– Шакирҗанова Алсинә Рәдиф кызы.
Апаз урта гомуми белем мәктәбеннән:
– Әхмәтҗанова Энҗе Марат кызы.
Г. Тукай исемендәге Ашытбаш урта гомуми белем мәктәбеннән:
– Әхмәтгалиев Ленар Илнур улы;
– Сәлимҗанова Гөлинә Ринат кызы;
– Сафина Гөлназ Газинур кызы;
– Хөсәенов Инзил Илфат улы.
Лесхоз урта гомуми белем мәктәбеннән:
– Галәветдинова Миләүшә Кадыйр кызы;
– Галләмова Ландыш Данис кызы;
– Гаянова Илүзә Ренат кызы;
– Зиннәтов Марат Рифат улы;
– Камалетдинова Лениза Илгиз кызы;
– Кадыйров Рүзәл Марат улы.
Түбән Мәтәскә урта гомуми белем мәктәбеннән:
– Камалиева Эльмира Раил кызы;
– Нигъмәтҗанова Раидә Рамил кызы;
– Шиһабиева Энҗе Ильяс кызы.
Яңа Кенәр урта гомуми белем мәктәбеннән:
– Гайнуллина Айгөл Хәлил кызы;
– Мәннанова Ләлә Фәнис кызы;
– Сафина Илүзә Наил кызы.
Яңа Кырлай урта гомуми белем мәктәбеннән:
– Корбангалиева Илгизә Зөлфәт кызы.
Курса–Почмак урта гомуми белем мәктәбеннән:
– Шиһапова Фирүзә Васил кызы.
Иске Чүриле урта гомуми белем мәктәбеннән:
– Гарифуллин Инсаф Рамил улы.
Шушмабаш урта гомуми белем мәктәбеннән:
– Гарифуллина Гүзәл Данис кызы;
–Зарипова Адилә Фаил кызы;
– Сәгъдуллин Айзат Рамил улы;
– Сәмигуллина Айгөл Фоат кызы;
– Уваева Вероника Леонидовна. 

Арча муниципаль район башлыгы,
район Советы рәисе И. Г. НУРИЕВ

Үзен котларга килүчеләрне ишегалдында аягүрә, зурлап килгәннәре өчен рәхмәтләр укып каршы алды юбиляр.
Арчада яшәүче Анна Москалеваны 90 яшьлек юбилее белән котларга район социаль яклау бүлеге җитәкчесе вазыйфаларын башкаручы Резидә Галиуллина килде һәм РФ Президентының, район башлыгының Рәхмәт хатларын, бүләк тапшырды.
Апайкина Гарь авылында 5 балалы колхозчы гаиләсендә дөньяга килә Анна Михайловна. 1948 елда алар Виктор Алексеевич белән гаилә кора, 5 балага гомер биреп тәрбияләп үстерәләр. Кызганыч, бүгенге көндә ире дә, бер кызы да дөньяда юк инде…
Авылда яшәгәндә төрле эштә эшли Анна Михайловна. Гаилә Арчага күченгәч крахмал заводында, аннан соң, 20 елдан артык милициянең сак хезмәте бүлегендә эшләп лаеклы ялга чыга ул. Сугыш елларындагы фидакарь хезмәте өчен медаль белән бүләкләнә.
Бүгенге көндә ул улы белән килене тәрбиясендә барлык уңайлыклары булган йортта гомер кичерә. Бакчаларында чәчәк, өйдә тәрәзә төп-ләре тулы гөлләр! “Киленем үстерә, чәчәкләр ярата ул, — ди әби. — Мине карап, тәрбияләп торганнары өчен улым белән киленемә рәхмәт. Башка балаларым еракта яшиләр”.
Розалия ЗИННӘТОВА

28 июньдә Арча агросәнәгать көллияте 90 укучысын мөстәкыйль тормыш юлына озатты. Егет-кызлар техник-механик, техник-технолог, техник программачы, техник, өлкән техник-механик белгечлекләренә ия булып көллият белән саубуллашты бу көнне.
Урта Пошалым мәдәният йортында узган чыгарылыш кичәсенә район башкарма комитеты җитәкчесе урынбасары Рамил Гарифҗанов та килгән иде. Ул студентларның шатлыклы мизгелләрен уртаклашып, аларга хәерле юл теләде.
Кулына диплом алган кичәге студентларның бүген сайлар юллары төрле: кемнәргәдер практика узганда ук эш урыны тәгаенләнгән булса, кемдер эш эзләячәк. Ә егетләрнең күбесен армия көтә. Алар арасында да белемен югары уку йортында дәвам итәргә теләүчеләр күп. Кичәгә килгән Казан Дәүләт аграр университет вәкиле бу көнне шактый студентның гаризасын кабул итте. Шунысы яхшы — көллият берничә уку йорты белән хезмәттәшлек итә. Тырыш, булдыклы укучыларны бүген үк кабул итәргә әзер алар. 

18 июнь көнне Иске Ашытта яшәүче Өммегөлсем Шаһиевага 90 яшь тулды. Әниләрен, әбиләрен гомер бәйрәме белән котларга туган йортка балалары, оныклары җыелды.
Әбине котларга Арча районы социаль яклау бүлеге җитәкчесе вазыйфаларын башкаручы Резидә Галиуллина һәм Ташкичү авыл җирлеге башлыгы Фәһим Фәйзуллин да килде. РФ Президенты Владимир Путинның, район башлыгы Илшат Нуриевның  Рәхмәт хатларын, бүләкләр тапшыргач, ихлас рәхмәтләрен җиткерде ул.
Кышын сугыш ветеранының тол хатыны буларак алган Арчадагы фатирында яши дә, май җитүгә авылга кайта Өммегөлсем апа. Өлкәннәргә булган карашка шатланып, рәхмәт укып туя алмый үзе. Күршеләренә дә зур рәхмәтле әбекәй. “Кышын йортымны күрше килене Райлә карап тора. Үзем монда яшәгәндә аягымда йөреп, капка төбенә чыгып утырсам да, кибеткә барырлык чама юк. Рәхмәт күршеләргә, кирәк әйберемне хәзер алып кайтып бирәләр”, — ди.
Колаклары начар ишетеп, бер күзе бөтенләй күрмәсә дә, гомумән алганда сәламәтлегем әйбәт, дип, булганына шөкер итеп яши. Инде өлкәнәйгәч кулы сынуын да бер мәзәк итеп сөйли. Тормыш авырлыкларын элек- электән уен-көлке белән уздырырга тырышканга, бүген дә җор теллелеген ташламый. Юкса, 14 яше дә тулмаган килеш тормыш арбасына җигелгән бит.

Арча үзәк китапханәсе 23 июньдә шигърият сөючеләрне җыйды. Ул көнне әдәби кунакханәдә үзешчән шагыйрь Альберт Әбелхановның “Йөрәк ритмында” дигән исем астында яңа дөнья күргән шигырьләр җыентыгын тәкъдир итү булды. 
Казаннан махсус кунак- лар (Татарстан Язучылар берлеге җитәкчесе урынбасары Расих Сабирҗанов, берлекнең пресс–секретаре Нәгыйм Шаһиев, шагыйрь, сатирик, композитор, җырчы, юмор остасы Алмаз Хәмзин, балалар шагыйрәсе Йолдыз Шәрәпова, журналистлар Фәния Арсланова (“Ватаным Татарстан”), Расиха Фаизова (“Шәһри Казан”) кайткан иде. 
Кем соң ул Альберт Әбелханов? Рус телендә газетабызны алдыручыларга бу исем яхшы таныш, чөнки аның төрле темаларга иҗат ителгән мәгънәле, шул ук вакытта гаҗәеп матур шигырьләре газета битләрендә еш басыла. Аннан тагын бер ягы бар, күп еллардан бирле өлкәннәр һәм инвалидлар йортында яшәп тә, авырлыклар алдында сыгылмаган, күңелен төшермәгән, чын кеше булып кала белгән, шигырьләр язып, күңеленә, йөрәгенә рәхәтлек алган, тормыштан ямь тапкан, шул мохиттә иҗат итүче кеше ул.
Альберт Кыям улы 1934 елда (23 июнь көнне аңа 83 яшь тулды) Сталинградта туа. Әтисе хәрби булу сәбәпле, гаилә төрле шәһәрләрдә яши. Сугыш башлангач (әтисе сугышта һәлак була) эвакуацияләнеп Арчага кайта. Альберт беренче сыйныфны беренче мәктәптә укый, икенче сыйныфтан Суворов училищесына китә. Хәрби уку йортын көмеш медальгә тәмамлап, Сталинградта хәрби училищеда белем ала. Гомерен хәрби хезмәткә багышлый. Отставкага чыккач, Арчага кайта, читтән торып педагогика институтын тәмамлый, Иске Чүриледә, Төбәк–Чокырчада укыта.

Хезмәтне саклау буенча координацион советның чираттан тыш утырышы булды. Утырышны район башкарма комитеты җитәкчесе Илшат Галимуллин алып барды.
– Бүген без монда Татарстан Республикасының Төзелеш, архитектура һәм торак-коммуналь хуҗалыгы министрлыгының “Производствода бәхетсезлек очрагы турында”гы хаты буенча жыелдык, – дип сөйләде Илшат Галимуллин. –  Транспорт, төзелеш, авыл хуҗалыгы иң хәтәр, проблемалы тармаклар. – Эш урынында хәвеф-хәтәр килеп чыкмасын өчен куркынычсызлык кагый- дәләрен белергә һәм үтәргә кирәк. Хезмәт кешесенең гомерен, иминлеген саклау буенча белгечләр тарафыннан таләп катгый булырга тиеш.
Районда хезмәтне сак-лау, эш урынында кешенең иминлеген тәэмин итү максатыннан нәрсәләр эшләнә соң? Бу турыда район башкарма комитетының хезмәтне саклау буенча белгече Мулләхмәт Әскәров чыгыш ясады. Белгеч предприятиеләр арасында хезмәтне саклау буенча оештырылган смотр-конкурсларның нәтиҗәлелеге турында сөйләде. 2016 елда республика күләмендәге конкурс нәтиҗәләре буенча “Арча МСОсы” ширкәте – 1нче, “Ак барс” агрокомплексы” ширкәте 3нче урынны алган. 
– 2016 елда конкурс- ларны оештыруда әйбәт эшләгән өчен безнең район башкарма комитеты министрлыкның Дипломы белән бүләкләнде, – диде.

Мин аннан сорашып, умартачылыкның серләренә төшенергә булдым. Баксаң, Мәсәлимовлар гаиләсендә әлеге һөнәр нәселдән-нәселгә күчеп килә икән. Иң беренче булып, бал кортларын тотучы карт бабасы Йосыф булган.  Ул умартачылык серләренә үзенең улы Мәсәлимне өйрәткән, ә Мәсәлим исә белемен улы Әнвәрбиккә һәм оныгы Даниярга тапшырган. “Мин кечкенә чагымда әтием белән “Пчеловодство” дигән  журнал  укый идем”, – дип, искә ала  Данияр абый.  Әтисенең умартачылык буенча ярдәмлек китаплары да бик күп булган. Аның белән беррәттән кечкенә Данияр да  умартачылык эшенә керешкән. Умартачының эше нәрсәдә чагыла соң?  Әгәр дә сез эш җәй көне бал суыртып алу белән тәмамлана дисәгез, ялгышасыз.  Ел дәвамында башкарылган эшләр турында Данияр абый сөйләп китте.
Эш яз көне умарталарны чыгару белән башланып китә. Көннәр салкын булса, бал кортларына зыян килергә мөмкин. Саклану чарасыннан карга көл яисә салам сибәргә кирәк. Бу бал кортларына салкын тимәсен өчен эшләнә. Аннары умарталарны чистартып, оялары алыштырыла, артык рамнар алына. Әле салкын кыштан яңа гына чыгып килгән бал кортлары көчсез була. Тиз үрчесеннәр  өчен аларга бал куялар. Шуның белән  язгы эшләр тәмам.